2-اعداد الجهاز للاندرويد

2- هنتكلم  انهارده عن  ازاى  تظبط  جهازك  هنتكلم  عن  اجهزه  الويندوز  لكن  فى  حاله  وجود  طلبات للماك  او  اللينكس هننزل مقالات  بتشرح  الخطوات  لكل  نظام  تشغيل ان  شاء  الله

كده  يبقي  انت  قررت  تعمل  برامج  للاندرويد ومحتاج  تظبط جهاز  الويندوز وده  غالبا  لو  انت  عندك  خط  انترنت  كويس هياخد  منك وقت  تقريبا 25 - 30  اما فى  حالات  النت  بطئ  شويه  ممكن  تاخد  اوقات  اكتر :)

نبدء  نشرح  الخطوات  :
الخطوة صفر :
 طبعا  علشان  تبدء  علطول  تعمل  برامج  للاندرويد  لازم  تكون  عارف  جافا  مش   محترف  لكن  على  الاقل  تكون  متعلم  اساسيات  الجافا  وان  شاء  الله  هنبقي  نشرح  اساسيات الجافا مع  الوقت
طبعا لازم  يكون  الويندوز   Windows XP   او   حاجه  اعلى  من  كده  زى  ويندوز  سفن 

الخطوه  الاولى :
اول حاجه
المفروض  بعد  كده  ننزل  ال  Java JDK   من  اللينك  ده

 

Java Platform (JDK) 7u7



ونظبها  على الجهاز  بتاعنا 

وطبعا  لازم  تختار  الحاجه  المناسبه  لجهازك  اذا  كان  64  Bit  او  32  bit

ودى   عن  طريق

الخطوة  الثانيه :

اننا  ننزل  ال  Eclipse    ودا  المكان  ال  هنعمل  فيه  الابلكيشنز  للاندرويد 

ودا  من  اللينك  ده   :

Eclipse IDE

وبرضو  هنختار  الحاجه  المناسبه  للجهاز  اذا  كان  64  Bit  او  32  bit

-->

طبعا  بعد  ما  تنزل  ال  Eclipse  هتلاقيه  ملف  مضغوط  عادى  فك  الضغط  واستعمله  علطول  لانه مش  بيحتاج Install

وهنشغله  عادى  من  الفيل   eclipse.exe   هتظهر  صورة  زى  كده  يبقي  كل  حاجه  تمااااام  جدااا

لحد  دلوقتى  احنا  ظبطنا  كل  شئ  قبل  ما  ننزل  Android SDK    والمقال  الجاى  ان   شاء  الله  هنشرح  فيه  ازاى  بالتفصيل  ننزل  الحجات  الخاصه  بالاندرويد  ونعملها  كونيكت  بال  Eclipse  ولو  فى  اى  سوال  او  مشكله قولها  فى  كومنت  وان  شاء  الله  هرد  عليك  :)  Happy Time

تصنيف : تعليم اندرويد